Loading...

រន្ធត់​ចិត្ត! ចោរ​លួច​យន្តហោះ​អ្នក​ដំណើរ​អាមេរិក រួច​បើក​​ធ្លាក់​ផ្ទុះ​ឆេះ​​ខ្ទេច​លើ​កោះ​មួយ (មាន​វីដេអូ)​

យ​ន្ត​ហោះ​ដឹក​អ្នក​ដំ​ណើ​រ​​​មួយ​គ្រឿង​​​​របស់​​​​​ក្រុមហ៊ុន​​​អាកាសចរណ៍ Horizon Airlines បាន​ធ្លាក់​បន្ទាប់​​​មាន​គេ​​លួច​​​បញ្ជា​ហោះ​ឡើង​ចេញពី​អាកាស​​​យានដ្ឋាន Seattle-Tacoma សហរដ្ឋអាមេរិក ដោយ​ពុំមាន​​​ការ​អនុ​​​ញ្ញាត​។ នេះ​បើ​តាម​​​ការ​ចុះ​ផ្សាយ​​​របស់​ទីភ្នាក់ងារ​ព័ត៌មាន​​​ចិន ស៊ីន​ហួរ នៅ​រសៀល​​​ថ្ងៃ​​​សៅរ៍ ទី​១១ ខែ​សីហា ឆ្នាំ​២០១៨នេះ។ ​(អូស​ទៅ​ក្រោមផុត ដើម្បី​ទស្សនា​វីដេអូ​ពេល​យន្តហោះ​ធ្លាក់) 


​​បើ​តាម​​​អាជ្ញាធរ​រ​អាកាសចរណ៍​​​សហ​ព័ន្ធ​អាមេរិក យ​ន្ត​ហោះ​ខាង​​​លើ​ជា​ប្រភេទ​យន្តហោះ​ដឹក​អ្នក​ដំណើរ ៧​កៅអី ប៉ុន្តែ​អំឡុង​ពេល​កើត​ហេតុការណ៍​ដ៏​រន្ធត់​នោះ មិន​មាន​អ្នក​ដំណើរ​ណា​ម្នាក់​នៅ​យន្តហោះ​ឡើយ។ មាន​តែ​អ្នក​ដែល​លួច​ឡើង​ទៅ​បញ្ជា​ម្នាក់​ប៉ុណ្ណោះ ដែល​បាត់​បង់​ជីវិត ក្រោយ​ពេល​យន្តហោះ​ធ្លាក់​នៅ​លើ​កោះ​មួយ រួច​ផ្ទុះ​ឆេះ​​យ៉ាង​សន្ធោ​សន្ធៅ នៅ​ក្នុង​ព្រៃ​ដែល​គ្មាន​មនុស្ស​នៅ។ ​​​​

​យន្តហោះ​ខាង​លើ ​ត្រូវបាន​លួច​​​ដោយ​​​បុគ្គលិក​​​​ម្នាក់​របស់​អាកាសចរ​ណ៍​​​មួយ​ផ្សេង​​​ទៀត​។ មុន​ពេល​ធ្លាក់ ​​​យ​ន្ត​ហោះ​នោះ​បាន​ធ្វើការ​ហោះហើរ​​​លើ​ផ្ទៃមេឃ​អស់​​​រាប់​ម៉ោង ក្រោម​ការ​​​អម​​​ដំណើរ​ពី​កង​យ​ន្ត​ហោះ​​​ចម្បាំង​។ យ​ន្ត​ហោះ​រ​បស់​​​អាកាសចរណ៍ Horizon ដែល​មាន​ខ្នាត​មធ្យម បុម​បាឌា ដា​ស (Bombardier Dash 8-Q400) បាន​ធ្លាក់​នៅ​​​លើ​កោះ​​​ខេ​ត្រុន (Ketron) ដែល​ជា​ដែន​កោះ​​​តូច​មួយ មាន​​​មនុស្ស​រស់នៅ​​​តែ​​​ប៉ុន្មាន​គ្រួសារ​​​ប៉ុណ្ណោះ​​​នៅ​​​ក្នុង​រដ្ឋ​វ៉ាស៊ីនតោន នៃ​ភាគ​ខាង​លិច​សហរដ្ឋអាមេរិក​។​



​គួរ​ជ​ម្រាប​ថា ជន​ដែល​បាន​​​លួច​យ​ន្ត​ហោះ​​​ខាងលើ​​​ត្រូវ​គេ​បញ្ជាក់ថា មាន​វ័យ ២៩​ឆ្នាំ និង​ត្រូវគេ​ចាត់ទុកថា ជន​មនុស្ស​ដែល​​​មាន​អារម្មណ៍​​​​ផ្លូវ​ចិត្តខ្លាំង និង​តែង​ចង់​បញ្ចប់​​​ជីវិត​ខ្លួនឯង ហើយ​ករណី​នេះ​​​ត្រូវបាន​អាជ្ញាធ​រ​​​អាមេរិក បញ្ជាក់​ច្បាស់​ថា ពុំមាន​ជា​សកម្មភាព​​​ភេរ​វ​កម្ម​​​នោះ​​​ឡើយ ហើយ​ការធ្លាក់​របស់​​​យ​ន្ត​ហោះ ពុំមាន​ជាប់ពាក់​ព័​ន្ធ​​​នឹង​កង​យ​ន្ត​ហោះ​ចម្បាំង ដែល​​​អម​ដំណើរ​​​នោះ​ទេ។

មុន​ពេល​ធ្លាក់ អ្នក​លួច​យន្តហោះ ក៏​បាន​ឆ្លង​ឆ្លើយ​ជាមួយ​អ្នក​គ្រប់​គ្រង​ការ​ហោះហើរ​ផង​ដែរ។ ពេល​នោះ អ្នក​លួច​យន្តហោះ​ដែល​ឈ្មោះ​ថា Rich បាន​និយាយ​ថា ខ្លួន​ពិបាក​ចុះ​ចត​ខ្លាំង​ណាស់។ ចុង​ក្រោយ រូប​គេ​ថែម​ទាំង​សួរ​ថា អាច​ត្រូវ​ជាប់​ពន្ធនាគារ​​អស់​មួយ​ជីវិត​មែន​ទេ? រួច​សំឡេង​ឆ្លង​ឆ្លើយ ក៏​ត្រូវ​បាន​កាត់​ផ្ដាច់​ ក្រោយ​ពេល​យន្តហោះ​ធ្លាក់​ផ្ទុះ​ឆេះ៕

ទស្សនា​វីដេអូ៖

Loading...