អ្នកចោទលោក ហ្សូណូ ពេលឃើញប្រតិបត្តិការវេរប្រាក់ហើយភ្លឺភ្នែកមិនខាន

ទំនួលខុសត្រូវលើកូនខ្ញុំនៅតែមាន ហើយក៏តែងតែមានជាលិខិតបំភ្លឺទៅសាធារណៈជន ដែលបានយល់ច្រលំកន្លងមក នេះគឺជាការរៀបរាប់របស់លោក ហ្សូណូ លើគណនីហ្វេសប៊ុកផ្លូវការរបស់លោក កាលពីពេលថ្មីៗនេះ បន្ទាប់លោកទទួលរង់នូវពាក្យរិះគន់ ពីមហាជនថា លោកជាមនុស្សដែលគ្មានទំនួលខុសត្រូវ ទាំងដែលអ្នកទាំងនោះ មិនទាន់បានដឹងរឿងច្បាស់លាស់ ឬជាអ្នកនៅក្នុងគ្រួសាររបស់គេផងនោះ។ (មើលវីដេអូ)

ជាមួយគ្នានេះផងដែរ កម្មវិធី របស់ស្ថានីយ៍ទូរទស្សន៍ PNN ដែលមានឈ្មោះថា អ្នកជិតខាង កាលពីពេលថ្មីៗនេះ បានបង្ហាញឈុតវីដេអូមួយ ក្នុងកិច្ចសម្ភាសជាមួយតារាចម្រៀងលោក ហ្សូណូ ដែលលោកបានរំឭកពីរឿងរ៉ាវអតីតកាលរបស់លោក ជាមួយអតីតប្រពន្ធ ដោយមួយរយៈមកនេះ បានក្លាយជាប្រធានបទក្ដៅគគុក រហូតមហាជនយកទៅជជែកវែកញែកពាសពេញបណ្ដាញសង្គម មិនថា លើបណ្ដាញសង្គម ហ្វេសប៊ុក ឬតិកតុកឡើយ។

ក្រោយវីដេអូ បទសម្ភាសន៍ ដែលលោកនិយាយថា លោកមិនតបតទៅតាមបណ្ដាញសង្គម តែលោក ធ្វើទៅតាមផ្លូវច្បាប់ ចេញមិនទាន់បានប៉ុន្មានផង ស្រាប់តែលោក បានបង្ហោះនូវលិខិតបំភ្លឺ ពាក់ព័ន្ធនឹងរឿងរ៉ាវទាំងអស់ជាមួយ អ្នកនាង ចាន់ សុផានី ដែលជាអតីតភរិយា ឱ្យមហាជនបានឃើញយ៉ាងច្បាស់ កុំឱ្យមានការយល់ច្រឡំចំពោះលោកតទៅទៀត

ដោយក្នុងនោះ មានទាំងខិលិតមេធាវី បំភ្លឺច្បាស់ ព្រមទាំងផស្ដុតាង ប្រតិបត្តិការផ្ញើប្រាក់មិនចេះតិច ហើយខែខ្លះ លោកបានផ្ញើរប្រាក់ដល់ទៅ៣ដងឯណោះ ចំពោះទឹកប្រាក់វិញក៏មិនតិចដែរក្នុងមួយខែៗ នេះលោកនិយាយថា លើកយកមកដោយសង្ខេបផង។

ពេលបានឃើញ ប្រតិបត្តិការផ្ញើរប្រាក់ជាច្រើន មហាជនអ្នកប្រើប្រាស់បណ្ដាញសង្គម ជាច្រើន បានបង្ហាញអារម្មណ៍បែបនេះថា ម៉េចហើយ អ្នកតែស្ករខ្លះ ថាគាត់មិនមានទំនួលខុសត្រូវ ល្មមគួរភ្លឺភ្នែកហើយ ហើយសូមឈប់ជាន់អ្នកដទៃ ដោយជឿលើតែម្ខាងៗទៅ ព្រោះមានភ្លើងទើបមានផ្សែង ចង្កៀងផ្ទះអ្នកណាភ្លឺផ្ទះអ្នកនោះ យើងមិនអាចចោទនរណាម្នាក់ ដោយយើងមិនបានដឹងរឿងផ្ទៃក្នុងគ្រួសាររបស់គេឡើយ៕(និស្ស័យ)