បងទៅបានសុខហើយ អូនស្រលាញ់បងរហូត ជាតិក្រោយចាំធ្វើជាប្តីអូនដូចបងបានសន្យាណា
នារីជាសង្សា ក្រុមគ្រួសារ សាច់ញាតិ បងប្អូន រួមទាំងក្រុមបាល់ទាត់ ទាំងអស់ មានក្ដីសោកសៅជាពន់ពេក ហើយពិបាកទទួលបំផុត ចំពោះការបាត់បង់បុរសម្នាក់ដោយសារជួបគ្រោះថ្នាក់ចរាចរណ៍។
ទឹកភ្នែកហូរធ្លាក់ដោយមិនដឹងខ្លួនពេលទទួលដំណឹងថា បុរសដែលខ្លួនស្រលាញ់ បានឃ្លាតឆ្ងាយហើយ ទាំងវ័យក្មេង អាយុ២០ឆ្នាំ រួចក៏បង្ហោះសារ រៀបរាប់ទាំងក្ដីអាល័យ លើគណនីហ្វេសប៊ុកឈ្មោះ Mony Ca ថា៖ «បងទៅបានសុខហើយ អូនស្រលាញ់បងរហូត ជាតិក្រោយចាំធ្វើជាប្តីអូនដូចបងបានសន្យាណា»។
Ah Bong Try ៖ «ហេងអើយក្រោកឡើងមកអូន មកជុំបងប្អូនយើងវិញមក កុំទៅម្នាក់ឯងបែបនឹង ប្អូននៅក្មេងត្រូវនៅចាំស្ដាប់បងណែនាំប្អូនច្រើនទៀតក្រោកមកវិញមកប្អូនប្រុស»។
𝚃𝙷𝙴𝙰𝙽៖ «វាហាក់ដូចជាលឿនពេកហើយសម្លាញ់ ត្រឹមតែមួយប៉ប្រិចភ្នែកសោះ គ្នាបានបាត់បង់មិត្តម្នាក់ ដែលធ្លាប់ដើរលេងសើចសប្បាយជាមួយគ្នា តែពេលនេះឯងទៅចោលគ្នាហើយ សូមឯងទៅឲ្យបានសុខកើតជាតិណាៗកុំឲ្យអាយុ ខ្លីដូចជាតិនឹងទៀត»។
ក្រុមបាល់ទាត់ គោកំណាចព្រះប្រសប់៖ «ក្រុមបាល់ទាត់ គោកំណាចព្រះប្រសប់ សូមចូលរួមរំលែកទុក្ខ នៃការលាចាកលោក របស់បងប្រុស ដោយសារ គ្រោះថ្នាក់ចរាចរណ៍ ហេីយដែលជាកីឡាកររបស់ក្រុមបាល់ទាត់ ស ស យ ក របស់ឃុំព្រះប្រសប់ យើងផងដែរ សូមឲ្យវិញ្ញាណក្ខន្ធរបស់បងប្រុស ទៅកាន់សុគតិភព»៕
