ស្ត្រីម្នាក់សំណាងណាស់ បានថតជាមួយ CL យ៉ាងស្និទ្ធស្នាលដោយមិនបាច់ចំណាយប្រាក់ទិញសំបុត្រ
រូបភាពប៉ុន្មានសន្លឹក របស់ស្ត្រីម្នាក់ ជាមួយ តារា ចម្រៀង K-POP CL ទទួលបានការចាប់អារម្មណ៍ខ្លាំង រហូតម្នាក់អ្នកស៊ែរចែករំលែក យ៉ាងព្រោងព្រាត លើបណ្ដាញសង្គមហ្វេសប៊ុក ត្រឹមពេលដ៏ខ្លី ព្រោះតែនេះអាចថា ជានិស្ស័យ ខណៈដែលមនុស្សរាប់ពាន់ រាប់ម៉ឺន នាក់ ចំណាយទាំងប្រាក់កាក់ជាច្រើន ដើម្បីទៅចូលរួមក្នុងកម្មវិធី ប្រគុំតន្ត្រី បានត្រឹម ឈរ មើលពីចម្ងាយប៉ុណ្ណោះ។
តែចំណែកឯ ស្ត្រីខាងលើ ដែលមានគណនីហ្វេសប៊ុកឈ្មោះ «ហេង វួចហៀង លក់ទូរស័ព្ឌដៃ ផ្សារដីហុយ» បានជួបដោយ ផ្ទាល់ ជាមួយតារាចម្រៀង ដ៏ល្បីឈ្មោះ ប្រចាំប្រទេសកូរ៉េខាងត្បូង CL ពេលទៅកម្សាន្តនៅវត្តភ្នំដោយចៃដន្យ ហើយថែមទាំងបានថតរូបជាមួយ យ៉ាងស្និទ្ធស្នាលថែមទៀត ធ្វើឲ្យមហាជនជាច្រើន ច្រ-ណែ-ននឹងគាត់ណាស់។
ខណៈពេលដែលមនុស្ស រាប់ពាន់ រាប់ម៉ឺន ចំណាយទាំងប្រាក់ ទាំងពេលវេលា មិនបានសូម្បីតែឈរក្បែរ ហើយស្រាប់តែស្ត្រីខាងលើ បានថតរូបជាមួយតារាល្បីពិភពលោក ស្រាប់តែមហាជន បានចូលទៅបញ្ចេញមតិថា ស្ត្រីខាងលើនេះ ប្រហែលជាមនុស្សដែលមានសំណាងជាងគេ ហើយ ព្រោះជួបដោយចៃដន្យ មិនបាច់ខំប្រឹង មិនបាច់ចំណាយទាំងប្រាក់ថែមទៀត៕
