យុវជនម្នាក់សារភាពថា ដោយសារមិត្តភ័ក្ដិដុក-សរសើរ-បញ្ជោរ ទើបក្លាយជាចោរភ្លាមៗ
កាលថ្ងៃទី២១ ខែកក្កដា ឆ្នាំ ២០ ២២ វេលាម៉ោង ២២ និង ៩នាទី នៅចំណុចបេនចាន ភូមិបាលិលេយ្យ២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ កម្លាំងសមត្ថកិច្ចខេត្តបាត់ដំបង បានចុះប្រតិបត្តិការបង្ក្រាបករណីលួចមានស្ថានទម្ងន់ទោស (ប្រើប្រាស់កាំបិតខ្វែវកា-ប់ប្លន់យកម៉ូតូ ) ០១ករណី និងបានធ្វេីការ នាំខ្លួនជនសង្ស័យ ចំនួន០១នាក់ ឈ្មោះហម ហៀ ហៅភូ ភេទប្រុស អាយុ ១៧ ឆ្នាំ មានទីលំនៅក្នុងក្រុង ប៉ោយប៉ែត ខេត្តបន្ទាយមានជ័យ មកកាន់ខេត្តបាត់ដំបង។
ក្រោយពីបានធ្វេីការសាកសួររួចមកសមត្ថកិច្ចបានបន្តធ្វេីការស្រាវជ្រាវរហូតដល់ថ្ងៃទី ២៣ ខែកក្កដា ឆ្នាំ២០២២ វេលាម៉ោង ២២ និង ២០នាទីនៅចំណុចភូមិកាប់គោថ្មី សង្កាត់អូរចារ ក្រុងបាត់ដំបង បានធ្វេីការនាំខ្លួនជនសង្ស័យចំនួន ០២ នាក់ទៀត មកកាន់ស្នងការដ្ឋាន។
១-ឈ្មោះ ទី ស៊ីឡុង ហៅបញ្ញា ទី ភេទប្រុស អាយុ ២២ ឆ្នាំ មានទីលំនៅភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ២-ឈ្មោះ ហួរ រ៉ា ហៅសី ភេទប្រុស អាយុ ១៧ឆ្នាំ មានទីលំនៅមិនពិតប្រាកដ។
សូមជម្រាបជូនថា ជនសង្ស័យទាំង ៣ នាក់ខាងលេី រួមជាមួយបក្ខពួកជាច្រើននាក់ទៀតដែលកំពុងរត់គេចខ្លួន បានធ្វើសកម្មភាពលួចម៉ូតូជនរងគ្រោះកាលពីថ្ងៃទី១៤ ខែកក្កដា ឆ្នាំ២០២២ វេវេលាម៉ោងប្រមាណ ០៣ និង ៥០នាទី ទៀបភ្លឺនៅចំណុចភូមិបឹងសង្កែ ឃុំអំពិលប្រាំដេីម ស្រុកបវេល ខេត្តបាត់ដំបង ដែលជនរងគ្រោះឈ្មោះ ខន សុឃឿត ភេទស្រី អាយុ ៣៣ឆ្នាំ មានទីលំនៅខាងលើ បានម៉ូតូ ០១គ្រឿង ម៉ាកហុងដា Zo omerX ពណ៌ សក្រហម ពាក់ស្លាកលេខ បន្ទាយ មានជ័យ 1R-5518 ដែលជនរងគ្រោះទុកនៅខាងមុខផ្ទះ
ហេីយនៅក្នុងថ្ងៃខែឆ្នាំដដែល នៅចំណុចក្រុមទី៧ ភូមិអំពិល ឃុំអំពិលប្រាំដេីម ស្រុកបវេល ខេត្តបាត់ដំបង ក្រុមជនសង្ស័យខាង លើដដែលបានធ្វេីសកម្មភាព ប្រេីប្រាស់កាំបិតខ្វែវកា-ប់ប្លន់យកម៉ូតូ របស់ជនរងគ្រោះ ឈ្មោះ ទឹម មាន ភេទប្រុស អាយុ ៣៤ ឆ្នាំ មានទីលំនៅ ភូមិ ប៊ួរុន ឃុំអំពិលប្រាំដេីម ស្រុកបវេល ខេត្តបាត់ដំបង បានម៉ូតូ ០១គ្រឿង ម៉ាកហុងដាឌ្រីម សេ១២៥ ពណ៌ ទឹកប្រាក់បិតស្គុតពណ៌ខ្មៅ ស៊េរីឆ្នាំ ២០១៨ ពាក់ស្លាកលេខ ភ្នំពេញ 8639 និងបណ្ណសម្គាល់យានយន្ត ០១ សន្លឹក, ទូរស័ព្ទដៃម៉ាក OPPO ០១ គ្រឿងប្រាក់ខ្មែរចំនួន ១៩ ម៉ឺនរៀល ។
ក្រោយពីក្រុមជនសង្ស័យធ្វេីសកម្ម ភាពខាងលើរួចមកបានរត់គេចខ្លួន នៅក្នុងក្រុងប៉ោយប៉ែតខេត្តបន្ទាយមានជ័យ រហូតមកដល់ថ្ងៃទី១៩ ខែកក្កដា ឆ្នាំ២០២២ វេលាម៉ោងប្រមាណ ០១និង ២០ នាទី នៅចំណុចភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង ក្រុមជនសង្ស័យបានធ្វេីសកម្មភាព ប្រេីប្រាស់កាំបិតខ្វែវកា.ប់ប្លន់យកម៉ូតូរបស់ជនរងគ្រោះចំនួន ០២ នាក់ទៀតគឺ៖
១-ឈ្មោះ ខេង សារ៉ែន ភេទស្រី អាយុ៤១ឆ្នាំ មានទីលំនៅភូមិកៀនកែស១ ឃុំគោលឃ្មុំ ស្រុកថ្ម គោល ខេត្តបាត់ដំបង។ ២-ឈ្មោះ ហ៊ិន ឡៅហ៊ុន ហៅម៉ាប់ ភេទប្រុស អាយុ ៣២ ឆ្នាំ (រងរបួសមុតរយះដេីមដៃខាងឆ្វេង ) មានទី លំនៅភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង បានម៉ូតូចំនួន ០២ គ្រឿង ម៉ាកហុងដា បីត ពណ៌សខៀវ ស៊េរីឆ្នាំ២០២០ ពាក់ស្លាកលេខ បាត់ដំបង 1AL-6363 ០១ គ្រឿង និង ម៉ូតូម៉ាកហុងដា ឃ្លីក ពណ៌ស ស៊េរីឆ្នាំ ២០១៩ ពាក់ស្លាកលេខ បាត់ដំបង 1AF- 9684 ព្រមទាំងទូរស័ព្ទដៃ ០១ គ្រឿងទៀត ម៉ាក OPPO A31 ពណ៌ផ្ទៃមេឃ និងប្រាក់ខ្មែរចំនួន ១០ម៉ឺនរៀល ហេីយក៏ជិះរត់គេចខ្លួនទៅនៅក្នុងក្រុងប៉ោយប៉ែត ខេត្តបន្ទាយមានជ័យ។
រហូតដល់ថ្ងៃខែខាងលើទើបកម្លាំងសមត្ថកិច្ចធ្វើការឃាត់ខ្លួនជនសង្ស័យខាងលើបាន។ វត្ថុតាងដកហូតរួមមាន៖ ម៉ូតូម៉ាក ហុងដា Scoopy ពណ៌ខៀវ ស៊េរីឆ្នាំ២០១៩ គ្មានស្លាកលេខចំនួន១ គ្រឿង ( ជាម៉ូតូជិះធ្វេីសកម្មភាព ) ។ ម៉ូតូម៉ាកហុងដា Click ពណ៌ ស ស៊េរីឆ្នាំ ២០១៩ ពាក់ស្លាកលេខ បាត់ដំបង 1AB-0825 ( ជាម៉ូតូរបស់ជនរងគ្រោះ )។ កាំបិត ខ្វែវ ចំនួន ០១ ដេីម។ បច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ ដំបងចាត់ការបន្តតាមនីតិវិធីច្បាប់៕