គ្រោះរញ្ជួយដីធ្វើឲ្យស្លា.ប់មនុស្ស ១,០០០នាក់ និង១.៥០០នាក់របួស នៅអាហ្វហ្គានីស្ថានរងគ្រោះយ៉ាងដំណំ
ក្រុងកាប៊ុល ៖ ស្លា.ប់មនុស្សយ៉ាងហោចណាស់ ១,០០០នាក់ និង១.៥០០នាក់ទៀតបានរងរបួស ក្នុងគ្រោះរញ្ជួយដីដ៏សាហាវបំផុត មិនធ្លាប់មានក្នុងរយៈពេលពីរទសវត្សរ៍ បានកើតឡើងក្នុងពេលដ៏លំបាកមួយសម្រាប់ប្រទេសអាហ្វហ្គានីស្ថាន ដែលគ្រប់គ្រងដោយតាលីបង់ បច្ចុប្បន្នកំពុងស្ថិតក្នុងភាពស្រេកឃ្លាន និងវិបត្តិសេដ្ឋកិច្ចថែមទៀតនោះ នេះបើយោងតាម BBC ។ 
គ្រោះរញ្ជួយដីកម្រិត ៥.៩រិចទ័រ បានកើតឡើងនៅពេលដែលមនុស្សជាច្រើនកំពុងដេកនៅផ្ទះ នាវេលាម៉ោង០១និង២៤នាទីយប់រំលងអាធ្រាត្រឈានចូលថ្ងៃពុធ ទី២២ មិថុនា ២០២២ (ម៉ោងក្នុងស្រុក) រញ្ជួយដីបានវាយប្រហារភាគខាងកើតនៃប្រទេស ប្រវែងប្រហែល ៤៤គីឡូម៉ែត្រ នៅទីក្រុង Khost ដែលស្ថិតនៅជិតព្រំដែនជាមួយប្រទេសប៉ាគីស្ថាន ។ 
យោងតាមអាជ្ញាធរគ្រប់គ្រងគ្រោះមហន្តរាយរបស់រដ្ឋ បានឲ្យដឹងថា អ្នកស្លាប់ភាគច្រើន គឺនៅក្នុងខេត្ត Paktika ក្នុងស្រុក Giyan, Nika, Barmal និង Zirok ។ 
លោក Mohammad Amin Hozaifa ប្រធាននាយកដ្ឋានព័ត៌មាន បានប្រាប់អ្នកសារព័ត៌មានតាមទូរសព្ទថា ចំនួនអ្នកស្លាប់រហូតមកដល់ពេលនេះ គឺច្រើនជាង ១,០០០នាក់ ហើយមនុស្សយ៉ាងហោចណាស់ ១,៥០០នាក់ទៀតបានរងរបួសធ្ងន់ និងស្រាល “នៅក្នុងស្រុក Gayan និង Barmal នៃខេត្ត Paktika” ។ 
មន្ត្រីរូបនេះ រំពឹងថា ចំនួនអ្នកស្លា.ប់ និងរបួស នឹងកើនឡើងបន្ថែមទៀត ខណៈដែលបេសកកម្មស្វែងរក និងសង្គ្រោះ កំពុងខិតខំប្រឹងប្រែងបន្តស្វែងរកអ្នកសង្ស័យកប់នៅក្រោមដី ។ 
A magnitude 5.9 earthquake that hit Afghanistan has killed at least 255 people and wounded more than 500 people, according to state-run news agency Bakhtar.
Casualties were reported in Barmal, Zirok, Nika and Giyan districts of Paktika province, according to Bakhtar.
CNN is unable to independently confirm Bakhtar??s reporting.
ក្នុងរូបភាពចេញផ្សាយដោយទីភ្នាក់ងារព័ត៌មានរដ្ឋ Bakhtar បានបង្ហាញថា ប្រជាជនអាហ្វហ្គានីស្ថាន ជម្លៀសអ្នករបួស ក្រោយការរញ្ជួយដី ។ ផ្ទះជាច្រើនខ្នង ដែលសង់នៅក្នុងតំបន់ជនបទ ជាលំនៅដ្ឋានមិនស្ថិតស្ថេរ ឬសាងសង់មិនបានល្អ បានប្រែក្លាយទៅជាកម្ទេចថ្ម ដែលមានតែជញ្ជាំង និងដំបូលបាក់បែក ៕ 
