រំជួលចិត្ត! ស្រលាញ់គ្នាជាង ១០ឆ្នាំ ឈ្លោះគ្នាដូចព្យុះ តែមិនដែលធ្វើរឿង​មួយនេះទេ

គូស្នេហ៍​ទើបជា​ប្ដី​ប្រពន្ធ​ថ្មីថ្មោង​មួយគូ បានធ្វើឲ្យ​អ្នក​ប្រើប្រាស់​បណ្ដាញ​សង្គម​ហ្វេ​សប៊ុក​រាប់ពាន់​នាក់​រំជួលចិត្ត​ជំនួស បន្ទាប់ពី​ដឹង​ថា អ្នក​ទាំង​ពីរ​បាន​ស្រលាញ់​គ្នា​រហូត​ដល់​ជាង ១០​ឆ្នាំ ទើបបាន​រៀបការ​កាលពី​ពេល​ថ្មីៗ​នេះ​។​

​រូបថត​ចំនួន ២​សន្លឹក​កាលពី​ទើប​ស្រលាញ់គ្នា​នៅ​ឆ្នាំ ២០០៨ ជា​រូបថត​មិនសូវ​មាន​ពណ៌​ច្បាស់ បង្ហាញ​ពី​អ្នក​ទាំង​ពីរ​ទើប​នៅ​ជំទង់ៗ និង​មួយ​សន្លឹក​ទៀត​ថត​នៅ ២០១៨ ជា​ថ្ងៃ​ពួកគេ​ក្រាប​ផ្ទឹម​។ តាមរយៈ​សំណេរ​ដ៏​វែង​មួយ ទោះ​អាពាហ៍ពិពាហ៍​រំលង​បាន​ជាង​មួយ​ខែ​ហើយ​ក្ដី ក៏​កូនក្រមុំ​បាន​ទម្លាយ​ប្រវត្តិ​ស្នេហ៍​ដ៏​យូរ​ឆ្នាំ​ប្រាប់​មិត្ត​ភ័ក្ដិ​របស់​ពួកគេ​ដែរ ប៉ុន្តែ​មាន​អ្នក​ចែករំលែក​បន្ត​រហូត​រាប់ពាន់​ដង​។​

​តាម​ខ្លឹមសារ​នៃ​សំណេរ​នោះ កូនក្រមុំ​បង្ហើប​ថា គូស្នេហ៍​ខ្លួន ធ្លាប់​ឈ្លោះ​គ្នា​រាប់​ភ្លេច ប៉ុន្តែ​ឈ្លោះ​មិនបាន ១០​នាទី​ទេ ត្រូវ​គ្នា​វិញ​ហើយ ហើយ​ភាគី​ទាំងសងខាង​មិន​ដែល​មាន​ចិត្ត​រក​អ្នកថ្មី​​បញ្ឈឺចិត្តគ្នា​​អ្វី​នោះទេ ការ​មិន​​រក​ថ្មី​នេះ​ហើយ​ទើប​ធ្វើ​ឲ្យ​អ្នក​ទាំង​ពីរ​ឆាប់​ត្រូវ​រ៉ូវ​គ្នា​វិញ និង​មាន​រឿងរ៉ាវ​ជាច្រើន​ផ្សេង​ទៀត​ដូចខាងក្រោម​។​

​កូនក្រមុំ​បាន​សរសេរ​រៀបរាប់ថា «​ថ្ងៃ​ដែល​យើង​រង់ចាំ ស្គាល់​គ្នា​ជា​មិត្ត​បាន​១​ឆ្នាំ ស្រលាញ់គ្នា ១០​ឆ្នាំ​១​ខែ ២៨​ថ្ងៃ​។ ចូល​រោងការ​ថ្ងៃ ២៦ កុម្ភៈ ឆ្នាំ ២០១៨ (26.02.2018)​។ ទម្រាំ​តែ​មកដល់​ថ្ងៃនេះ ស្គាល់​ហើយ​ដែល​ហៅថា ស្នេហា​គឺថា គ្រប់​រសជាតិ​ចឹង​ម៉ង សើច​ជាមួយគ្នា លេង​ជាមួយ​គ្នា វ៉ៃ​គ្នា លួង​គ្នា​ថ្នម​គ្នា យំ​ជាមួយគ្នា ប្រៃ​ផ្អែម ល្វីង​ជូរចត់ រសជាតិ​ប្រៃ​ផ្អែមៗ និយាយ​រួម​ទៅ​មាន​ច្រើន​អនេក​ចឹង​ម៉ង​។​

​ស្គាល់​គ្នា​ជា​មិត្ត​បាន​មួយ​ឆ្នាំ​ឈ្លោះ​គ្នា​មធ្យម​ទេ ងំ​ជា​សង្សារ​គ្នា​ហ្នឹង​ម៉ង រឿង​ឈ្លោះ គឺ​លែង​យាយចឹង​មង កុំអោយ​សាំ ប៉ុន្ដែ​អត់​ដល់ ១០​នាទី​ទេ ត្រូវ​គ្នា​វិញ​ហើយ​។ ពេល​ទៅ​រៀន​ឥឡូវ រឿង​សប្បាយ​កុំ​និយាយ យាយ​រឿង​កំសត់​វិញ​បាន​គួរ​អោយ​ជក់ចិត្ត​ជាង​គឺថា អា​ពេល​មាន​លុយ​ចង់​បាន​អី​ក៏​ទិញ​ភ្លាម និយាយ​ទៅ​ចរិក​ក្មេង​ចឹង​ម៉ង ហើយ​ពេល​អត់​លុយ​ភ្លេច​យកទៅ​ទាំង​គេ​ទាំង​ខ្ញុំ​មធ្យម ងំ​ត្រង់​មាន​លុយ​ទុក​ក្នុង​សៀវភៅ​ទិញ​បាយ​មួយ​ចាន ទឹក​មួយ​ដក​ដណ្ដើម​គ្នា​ស៊ី​ឡើង​មាន​គេ សុខចិត្ត​ចេញ​លុយ​អោយ​ពីរ​នាក់​ខ្ញុំ​ក៏មាន​។​

​ពេល​ទៅ​រៀន​គួរ អត់​គិត​មើលគ្រូ​នៅតែ​ខាំ​គ្នា មាន​អី​ពេល​ប្រលង​គ្មាន​ចេះ​អី​តិច ប្រឹង​អើត​.​ក​មើល​ពេញ​ថ្នាក់​ហើយ​គឺ​ថា កំសត់​ណាស់​ប៉ុន្ដែ​គ្មាន​គួរអោយ​អាណិត​អី​តិច​ទេ​។ ពេល​គិត​មកដល់​ឥឡូវ នៅពេល​ចប់​ថ្នាក់​ទី​១២​ឈប់រៀន រក​ការងារ​រៀងៗ​ខ្លួន ហើយ​ពេល​នៅ​ជិត​គ្នា​គិត​ថា​ធំៗ​អស់​ហើយ​នៅ​ក្មេង​ដដែល គឺថា ចរិត​នៅ​ដដែល អត់​ឈប់​អា​ខាំ​គ្នា​ហ្នឹង​ទេ​ពួក​ខ្ញុំ​។​

​ដើរ​ជាមួយ​គ្នា​និយាយ​មែន មិនសូវ​មាន​ណា​គេ​គិត​ថា​ជា​សង្សារ​នឹង​គ្នា​ទេ បើ​គិត​ថា​ជា​បងប្អួន​មាន​ច្រើន​ជាង​ឆ្ងាយ​ណាស់ ទោះបី​មិន​សូវ​ត្រូវ​គ្នា​មែន ប៉ុន្តែ​គាត់​មើលថែ​ខ្ញុំ​ល្អ​ណាស់ យកចិត្តទុកដាក់​នឹង​ខ្ញុំ​គ្រប់​ពេល​តាម​ចិត្ត​ខ្ញុំ​ទៀត​។ ចំនុច​ដែល​ល្អ​បំផុត​របស់​គាត់​គឺ គាត់​មិន​ដែល​សុំ​បែក​ខ្ញុំ ឬ​គិត​ចង់​មាន​ស្រី​ផ្សេង​ក្រៅ​ពី​ខ្ញុំ​ទេ ទោះ​បី​ពួក​យើង​ស្រលាញ់​គ្នា​យូរ​មែន ហើយ​ខ្ញុំ​ក៏​ចឹងដែរ និយាយ​ពី​ចំនុច​ល្អ​យើង​ទាំង​ពីរ គឺ​ខ្ញុំ​ល្អ​ជាង​ដាច់​។​

​ចុងបញ្ចប់ សូម​អរគុណ​ណាស់​សំរាប់​ការស្រលាញ់​ដ៏​សែន​កក់ក្ដៅ​ខ្លាំង​បំផុត​មួយ​នេះ​ពី​បង​។ អរគុណ​ដល់​គ្រួសារ​របស់​ខ្ញុំ​ទាំង​ពីរ​អរគុណ​ដល់​មិត្តសំលាញ់​ទាំងអស់ បងប្អួន​ដែល​តែងតែ​គ្រាំ​ទ្រដល់​ពួក​យើង​ទាំង​ពីរ​នាក់ ហើយ​នឹង​មក​ជា​ភ្ញៀវ​កិត្តិយស​ដ៏​សំខាន់​ក្នុង​ពិធី​អាពាហ៍ពិពាហ៍​របស់​យើងខ្ញុំ​ទាំងពីរ សូម​អោយ​ទេវតា​ឆ្នាំ​ថ្មី​តាម​ថែរក្សា​គ្រប់ៗ​គ្នា​អរគុណ​ណាស់​»៕ (ផ្ដល់សិទ្ធិ៖ loykob.com)

ហាមលួច​ចម្លងអត្ថបទ​​ពីវេបសាយ Morningfresh.news ដោយគ្មាន​ការ​អនុញ្ញាត
error: ហាម​លួចចម្លង​អត្ថបទ​នេះ!